علشان بلدنا بينا مش بيكم
انتم بتحلبوها واحنا اللى بناكلها
احنا واولادنا اللى بندافع عنها
انما انته واللى اختاروك بتهدموها
بلدى بى وبالناس البسطاء اللى بدلاتهم مش نص مليون
بلدى اللى مافيش حد بيسمع لى فيها
ودن من طين وودن من عجين
وهنعلم ولادنا برضه يدافعوا عن شرفهم وان كنت شاطر انزل انته والوزير اللى راضى عنك وناقش المعلمين وشوف هيعملوا فيك ايه
انتم اللى بدأتم
مش هنسكت عن اهانتك ياببلاوى احنا بقر طيب
منك لله
اللى عند ربنا مابيضيعش ياببلاوى
Egypt
| | |
عاوزين نفهم سر دفاع الببلاوى مستشار وزير التعليم الاعلامى الكبير
عن احتبارات الكادر وهل صحيح مخصصاته او مخصصات احد اقاربه تعدت نصف مليون
اكيد اشاعه
حاككم الاشاعات كتيرة اوى
احنا قلنا ان محدش هيسمع ولايشوف
طالما ان الوزير ومستشاريه
مخصصاتهم كبيرة كده واحنا علشان مائه جنيه
يتعمل فينا كده
روحوا منكم لله
ياظلمه
ناس مفتريه
ليكم حق طالما ان ريسنا سايبكم تعملوا اللى انتوا عاوزينه
اكيد ليكم حق
ماهى الدولة كلها مختزلة فى سياده الرئيس
هو اللى بيقرر كل حاجه ياببلاوى انته وقرايبك
فاشل فاشل فاشل
ربنا ينتقم منكم
اوردت جريدة المصرى اليوم
المعلمون يقبلون «الأمر الواقع» ويخوضون «امتحانات الكادر» وسط سخط عام
٢٥/٨/٢٠٠٨
تصوير-السيد الباز |
لأول مرة.. الدموع في عيون المعلمين وليس الطلبة |
«قبولاً بالأمر الواقع» دخل آلاف المعلمين أمس، الامتحانات المؤهلة لدخول المرحلة الثانية من «كادر المعلمين» وسط حالة سخط عام، لم تخل من اعتصامات واحتجاجات في عدد من المحافظات. جلس المعلمون «مكرمين» - حسب قولهم - علي مقاعد الطلاب في اليوم الأول للامتحانات التي تستمر حتي الخميس المقبل، بينما استقبل الرافضون منهم د. يسري الجمل، وزير التربية والتعليم، بالهتافات المناهضة: «فاشل.. فاشل» و«مش عاوزينه». وتجمهر ٥٠٠ معلم في كفر الشيخ، رافضين خوض الامتحانات باعتبارها «مسرحية هزلية» - حسب تعبيرهم - داعين الرئيس مبارك للتدخل لمنع إهانتهم، ووقف حرمانهم من الكادر الخاص الذي أورده برنامجه الانتخابي دون شروط، وتضامنت نقابة المعلمين الفرعية بكفر الشيخ مع أعضائها، ودعت إلي مقاطعة الامتحانات، رداً علي «إهانة الوزارة لكرامتهم». وهدد معلمو الغربية بـ «تحركات موسعة» خلال الفترة المقبلة، منها اعتصام أمام مجلس الشعب، ومسيرة إلي قصر الرئاسة، وقرروا إقامة دعوي قضائية أمام محكمة القضاء الإداري للمطالبة بوقف هذه الامتحانات. واعتصم عشرات في الإسماعيلية، احتجاجاً علي سوء التنظيم وتضارب المواعيد وصعوبة وطول الأسئلة، والعجز في أماكن الجلوس، فيما أدي ٧ آلاف معلم في الأقصر الامتحانات برضا، وقالوا إنه «قبول بالأمر الواقع»، لكنهم في الحقيقة ساخطون وغاضبون ورافضون. ورفض ٥٠٠ معلم في أسوان خوض الامتحانات، ودخلوا في اعتصام أمام مقر المحافظة، بينما سادت حالة من الاستياء بين معلمي الدقهلية، بسبب العجز في أوراق الأسئلة والإجابة، واعتصم ٨ آلاف مدرس في الإسكندرية رافضين دخول الامتحانات. وقال الدكتور يسري الجمل لـ «المصري اليوم» إن الاحتجاجات تقوم بها «قلة» تواجه التطوير، ورفض الوزير ما ورد من إشارة إلي أن الوزارة ستتعمد أن يرسب عدد كبير من المدرسين لعدم توافر تمويل، مشيراً إلي وجود ٢.٥ مليار جنيه لتمويل المرحلة الثانية بما يكفي لجميع المعلمين في حالة نجاحهم. وأضاف أن نتيجة اختبارات الكادر سوف يتم إعلانها خلال شهر أكتوبر المقبل.
| طالع المزيد |
| المعلمون يخوضون «امتحانات الكادر» وسط سخط عام واعتصامات واحتجاجات في ٥ محافظات |
| الجمل يزور لجان الاختبارات والمعلمون يقابلونه بهتاف: «فاشل.. فاشل» |
ترك المدرسون امتحان الكادر وهتفوا ضد د. يسري الجمل وزير التربية والتعليم أثناء دخوله لجان الامتحان بجامعة عين شمس.
فشل المشرفون في السيطرة علي الموقف مما اضطر الجمل ود. عبدالعظيم وزير محافظ القاهرة إلي ترك اللجنة وعدم استكمال الجولة.
شكا المدرسون من سوء طباعة ورقة الأسئلة حتي أن بعضها مطموس نهائيا كما اشتكوا من ارتفاع درجة الحرارة واستجاب د. محمود الطيب نائب رئيس جامعة عين شمس لشئون الدراسات العليا وقام بتزويد قاعات الامتحانات بمبردات مياه وزيادة العمال لتلبية طلبات المدرسين.
المصدر
http://www.algomhuria.net.eg/algomhu...e/detail05.asp
من فضلكم ارحلوا عن سمانا وكفاياكم زهقنا من عدم الاستماع لنا وتصميمكم على اذلالنا وقهرنا مش علشان شويه افراد تهينوا مجتمع بكامله وتسرقوا احلامه
نسمع منكم ايام الانتخابات فقط
اما غير ذلك بتدونا بالجزمة
الفلوس لكم السيارات لكم المكيفات لكم
المكافأت لكم
البدلات لكم
القرارات لكم
البلد لكم
الجيش والشرطه لحراستكم
التقارير ترفع لكم
شويه كبار السن يحكموننا مش فاضيين للشعب عاوزين دم جديد مش عاوزينكم
خلاص انتم اعطيتوا استريحوا بقى الزمن هذا ليس زمنكم
زى ماطنشتونا هنطنشكم وقت ان تعوزونا
الزمن ده مش زمنكم خلاص اللى جوة النفوس اكتر من اللى على السطح ارحمونا بقى من المسكنات على الواقع كل حاجه زفت
كل واحد بيجيب حبايبه واصحابة
بس
ولايوجد اى نوع من الشفافيه
جعلتوا حياتنا صفر كبير
طلبنا اقالة وزير التعليم لانه غير صادق هو والعاملين معه فى مايريدون اختبار النس فيه
انا طالب مراجعه اسئلة امتحان الكادر
وتسألوا الوزير هل تحقق ذلك
ام ان فاقد الشىء لايعطيه
على الطبيعه المهم ان الورق فقط يكون سليم
ظلمه فى الاول والاخر ظلمه فى اخفاء المعلومات عن الشعب
نحن لانصدق الجرايد اليوميه او نشتريها لانها تسبح بحمدكم ليل نهار الكل بيرفع ليكم ويكدبوا علشان ايه علشان يقعد يهلب وبس شكر على ايه على اضافات ليست من اساس المرتب وكانه فرحان بما وصل اليه ولايهمه المصلحه العامة وانما ان يبقى اطول فترة
اين مجلس الشعب الذى وافق على الكادر بدون امتحانات
اين رئيس الوزراء
لقد اهين المعلم المصرى فى عهد حسنى مبارك بشكل لم يحدث للمعم من قبل ومش عارفين كمان حيحصل ايه اكتر من كده
هذا المستشار هو القدوة الحسنة فى التربية والتعليم ياريت يدخل الاختبار الكادر ويورينا مين هم الأبقار؟
صحيفة: المستشار الإعلامى للجمل يصف المعلمين بـ (الأبقار) 8/15/2008 3:23:00 PM
المحلة الكبرى- محرر مصراوي- شهدت نقابة المعلمين بالمحلة الكبرى حالة من الغضب الشديد وتجمع عشرات المعلمين داخل النقابة، معبرين عن استيائهم الشديد من تصريحات الدكتور حسن الببلاوى المستشار الإعلامى لوزير التعليم لإحدى القنوات الفضائية وتشبيهه للمعلمين، بأنهم مثل الأبقار التى تجر السواقى.
تصريحات مستشار الجمل دفعت المعلمين لرفع عدد من الدعاوى القضائيه ضده، كما قاموا بإرسال فاكسات عاجله للرئيس مبارك والدكتور أحمد نظيف رئيس الوزراء، يطالبون فيها بالتدخل لوقف قرار وزير التعليم بإجراء اختبارات الكادر وربطها بالنواحى المالية، كما طالبوا بعدم وقف صرف الكادر، لأنه حق مشروع للمعلمين وتم التصديق عليه من مجلس الشعب ولا يتم ربطه باجتياز الاختبارات.
وقرر المعلمون جمع التوقيعات، استعدادا لرفع قضايا ضد وزير التعليم لتعنته ضد المعلمين، والعمل على تشكيل لجنة للتنسيق بين المعلمين، للبدء فورا فى جمع هذه التوقيعات خلال الأيام القليلة القادمة على مستوى الجمهورية، وبالتنسيق مع روابط المعلمين بالمحافظات بعيدا عن النقابات.
وفى تطور للأحداث، رفض أمين عام النقابة الفرعية للمعلمين بالمحلة التدخل فى مشكلة اختبارات الكادر وعدم محاسبة المسئولين، حتى لا يقال إن نقابة المحلة وراء تصعيد الأحداث، وقال إن النقابة بلغت "أمن الدولة" عن المدرسين ومشاكلهم، "وهى حرة فى إللى هتعمله معاكم".
وأشار أمين عام النقابة الفرعية بالمحلة، إلى أن النقابة مع الاختبارات للترقيات وليس للخصم من الماليات. من ناحية أخرى أكد مندوب أمن الدولة، الذى حضر الوقفة الاحتجاجية للمعلمين، وجود نائب من كتلة الإخوان بالمحلة قام بتوزيع أسطوانات و"سيديهات" عليها الاختبارات للمدرسين وحرضهم على عدم حضور هذه التدريبات.
المصدر: صحيفة اليوم السابع
مصراوى
